... sem ég fékk í meili um daginn - annað hvort að blogga eitthvað eða önnur Jóhanna fær plássið...

ég er roooosalega dugleg að skrifa eitthvað - finnst það svo asnalegt og stroka það út, en það er einmitt það sem gerir mig að ekki svo góðum bloggara - ég ritskoða svo það sem ég segi.

En hvað hefur á dagana drifið síðasta hálfa árið - ég útskrifaðist úr HÍ með BA gráðu í sálfræði og viðskiptafræði sem aukagrein. Marseraði uppá svið í Háskólabíó og tók við skírteininu mínur frá Óla H (þeim sem ráðlagði mér að taka aukagrein á móti sálfræðinni af því að Magnús "bara fílaði ekki hvernig ég skrifaði") en hann gaf mér sykursætt bros og tók þéttingsfast í hendina á mér þannig að öll leiðindi í þessarri stofnun urðu bara eftir þarna á sviðinu og ég sit eftir með gráðuna mína.

Og svo er stóra spurningin - hvernig er ég að nýta mér þessa "loksins náði að klára" gráðu - EKKI RASSGAT. Ég er að vinna við nákvæmlega það sama og ég gerði fyrir 9 árum þegar ég byrjaði í minni fyrstu skrifstofuvinnu.... en ég hef aðeins hærri laun. Var að rifja upp að mín fyrstu laun árið 1998 fyrir 8 tíma vinnu voru 75.000 kr á mánuði (fyrstu 3 mánuðina). Ég hef alla tíð verið mjög léleg að semja :-)

Annars voru jólin nú heldur fljót að líða. Ég ætlaði svo að hafa desember kósý og jólalegan og alls ekki falla í jólastress-gryfjuna svona einu sinni sem ég væri ekki í jólaprófum. Jesús minn hvað ég átti ekki eftir að fara eftir því - desember leið bara svona eins og þoku - geðveiki ofan á geðveiki ársins. Það er ekki sniðugt að vinna við innflutning svona rétt fyrir jól og þurfa svo að synda um bæinn að redda hinu og þessu. Ég var hreinlega búin á því þegar klukkan sló 18 þann tuttugasta og fjórða. Svo byrjaði hin geðveikin - jólaboð í fleirtölu. Maður vill auðvitað hitta alla og vera með öllum en come on - eftir nokkra daga var emma farin að segja þegar hún vaknaði "mamma - getur við ekki verið heima í dag" og þá er það nú slæmt.

Svo tekur nú bara við bið eftir sumrinu - ég er mjög bjartsýn fyrir þetta sumar, hef mikla trú á því að það verði sól svona 40% af tímanum og ekki rigning nema svona 10% - sjáums svo bara til hvernig þetta fer :-)

.... og náði öllu - vei vei gaman...

 ég fékk ss loksins allar einkunnir og verð að segja að ég er stoltust af 5sem ég fékk í reiknishaldi.. ekki af því að það er 5 og allra allra lægsta einkunn á mínum háskólaferli (sem er orðinn dáldið langur) heldur vegna þess að ég var veik akkúrat þegar ég var að læra fyrir prófið og var ekki búin að sinna því nógu vel í vetur, prófið var geðveikt langt og snúið og ég bara var 100% viss um að hafa fallið í því - heldur er ég stolt vegna þess að meðaleinkunnin var 3,72 þannig að ég var rúmum heilum fyrir ofan meðaltal - féllu 112 (þar af ca 30 sem ekki mættu í prófið og fengu þ.a.l. núll).... en allar aðrar einkunnir voru bara í góðu lagi - endaði með tvær 9 í viðskiptafræðinni en það er sko einkunn sem ég held að sálfræðikennarar hafa bara ekki hugmynd um hvernig lítur út.

Þannig að ég er svoooo glöð - bíð nú bara eftir að klára Þjóðhagfræðina í ágúst og þá útskrifast ég loksins (í október) og það verður svo stór veisla að aldrei hefur annað eins sést :-)

Það er rosalega mikið að gera í vinnunni - dáldið erfitt að fara beint úr geggjaðri próftörn í brjálaða vinnu - ég held annars að það sé ekkert meira að gera hjá mér heldur en öðrum, mér finnst allar mínar vinkonur vera að drepast úr vinnu - alls staðar virðast vera of fáir á hverjum stað - spurning hversu miklu það skilar ......

Ég er búin að nýta helgarnar mínar mjög vel í að kynnast Emmu minni uppá nýtt og auðvitað Guðna - það hefur gengið mjög vel. Við höfum farið á hverri helgi eitthvað í göngu og út á róló og erum farin að þekkja endurnar með nafni - meira að segja fuglafóbían ég reyni að styðja þetta áhugamál þeirra að standa og grýta gömlu mygluðu brauði í fugladruslur sem hafa ekki nokkurn áhuga... annars veit ég ekki hvort hægt er að kalla þetta lengur að "gefa öndunum brauð" - þetta eru ekkert nema máva-ógeð...

en svona er þetta - annað í fréttum - Sirrý vinkona (og Svenni og strákarnir þeirra) voru að kaupa sér raðhús, rosalega flott í æðislegri götu, og svona Neighbours fílingur - mamman í næstu götu, æskuvinkonan í sömu götu (og mamman) en mér finnst það einmitt svo huggulegt. Björg, æskuvinkonan mín gifti sig í lok maí (20. maí) og það var svo gaman í brúðkaupinu, fullt af hugmyndum sem ég fékk (svona ef maður ákveður að drífa í þessu).

Jæja - Guðni er á tónleikum svo ég ætla að nýta kvöldið í að fara að sofa - langt í næstu helgi (fyrsta vikan minnir mig með heilum 5 vinnudögum - úff)

Ég og Emma fórum í sveitaferð með leikskólanum í gær. Við sáum þessi týpísku sveitadýr, kindur, kálfa, hesta, hunda, ketti og kanínur. Ég komst að tvennu dáldið merkilegu í þessarri ferð. Í fyrsta lagi þá hef ég haldið að ég ætti með eindæmum skapstóra og stjórnsama dóttur en ég sá að hún er bara tæplega þriggja ára. Það var eins og samankomnar 30 Emmu, allar eins við mömmur sínar. Svo í öðru lagi þá sá ég að dóttir mín er mjög sjálfstæð og fylgir alls ekki straumnum nema þegar hana langar. Þegar bóndakonan kom með hest fyrir krakkana að sitja á fóru allir í röð og ég ýtti á Emmu að koma í röð og fá mynd af henni á fákinum. Hún leit á röðina og sagði "nei mamma, ekki núna" og fór að moka. Stuttu seinna kláraðist röðin og þá strunsaði mín að hestinum og vildi á bak. Þegar allir fóru svo í kaffi þá sat mín ein eftir og mokaði - fékk að hafa allt dótið ein. Eftir smá stund þá var hún tilbúin og fór að fá sér að borða.

Mér fannst þetta mjög merkileg uppgötvun að hún elti ekki hópinn og gerði það sem hana langaði til hverju sinni, sérstaklega fannst mér þetta merkilegt þar sem ég hef eiginlega alla mína ævi "elt hópinn" og helst jarmað um leið og allar hinar kindurnar jarma.

En allavega - í dag var fyrsti vinnudagurinn. Það er alltaf rosalega erfitt að byrja á nýjum vinnustað, þó svo að maður leggi ekki mikið af mörkum. En allir voru súper indælir við mig og ég held að þetta sé bara fínn staður. Ég get samt ímyndað mér að ég eigi eftir að fitna á næstu vikum, það er svo mikið af góðu brauði, alls konar álegg, alls konar kex og ég veit ekki hvað og hvað - og svo strax í dag byrjaði "mig langar svo í nammi" af næstu borðum - jæks.... það var svo gott að engan langaði í nammi þegar ég var bara ein að læra heima eða í skólanum - þarf að læra að tækla þetta eins og svo margt annað nýtt.

Jæja, ég er uppgefin og ætla að fara að sofa, góð vinkona mín sagði að fyrsti vinnudagurinn er eins og straight átta tímar í kennslustund - það er sko mikið til í því....

... ég er bara að venjast þessu öllu saman

en ég er ennþá í prófum, eitt á morgun föstudag og svo síðasta á laugardaginn... ótrúlega gaman..

ég er búin að vera lasin síðan fyrir síðustu helgi, ég hélt að ég myndi fá bara smá flensuskít en ó nei, ég lá eins og grásleppa allan sunnudag, mánudag, þriðjudag og gerði varla neitt nema reyna mitt besta að fara yfir helv. reiknishaldið og svo svaf ég ógeðslega mikið og byrjaði að skríða saman í gær (miðvikudag) heilsan er svo bara nokkuð góð í dag - fyrir utan hvað mér er illt í bakinu og svo hósta ég eins og gamall sjóari... en það er ekki neitt þegar maður er loksins laus við helv. hitann....

en allavega - gerði mér grein fyrir því í dag hvað ég kann raunar lítið í reiknishaldi, fannst ég vera frekar góð í að gera prófjöfnuði og var frekar bjartsýn en svo kom einhver leiðinda tekjuskattsútreikningur sem ég hef bara ekki minnstu glóru um hvernig virkar - fékk smá hjálp í morgun frá Örnu (úr skólanum) sem kom og reiknaði með mér en samt - þetta verður eitthvað skrautlegt - dúdídú...

en svo enda ég á markaðsfræðinni og sem betur fer var ég búin að læra fyrir hana áður en ég varð veik, ég hefði aldrei komist yfir það líka á einum og hálfum degi - úff, ég held að ef ég fer aftur í nám að þá ætla ég ekki að eyða svo miklum tíma í "hin" fögin að ég láti eitt sitja á hakanum - en það þýðir ekkert að hugsa um það...

en það var svo fyndið - ég gat voðalega lítið borðað síðan um helgina þannig að mín fór í über megrun og léttist um 2 kg á 4-5 dögum (geri aðrir betur) en svo í gær þegar mér leið betur þá hafði ég varla tíma til að lesa því ég var svo mikið að borða og ég held svei mér þá að amk annað kílóið hafi komið á bara eftir gærdaginn - ég var að borða alveg frá því að ég vaknaði um kl 8 og þangað til 10 í gærkvöldi (veit að það er bannað en ég var bara glorhungruð) - þannig að þessi megrun er kannski ekki sú skilvirkasta...

Og hvað gerði ég á meðan ég var veik - dettur ykkur eitthvað í hug ? jább, horfði á sjónvarpið og náði að "catch up" á þætti sem ég hef vanrækt heillengi - rosalega finnst mér Grey´s anatomy skemmtilegt - en ég þoli ekki að þau eiga að vera saman en eru svo þrjósk að geta ekki bara byrjað saman. Survivor kom loksins á óvart, loksins loksins var leiðindagaukurinn rekinn - alveg meiriháttar. ég er alveg hætt að horfa á Apprentice Martha (ég veit nefnilega hver vinnur og þá er það ekkert skemmtilegt). og svo það allra mest spennandi - LOST ó mæ god hvað mig vantar að fara að vita eitthvað meira.... ég verð svo brjáluð ef þetta verður eitthvað geimverudæmi - alveg brjáluð brjáluð brjáluð.... ég var ss vakandi mjög lengi á mánudagskvöldið. Á þriðjudaginn sofnaði ég kl 21 þannig að ég veit ekkert hvað gerðist í heiminum þá. Í gær þá horfði ég á annað uppáhalds, America´s next top model (héðan í frá kallað módelin) og ég varð rosalega hissa á að þessi var rekin, ég held að það hafi verið vegna þess að hún sagðist hafa svona "pretty gene" - ég gubbaði líka næstum því. Svoooo var það L-word og ég veit bara ekki hvað ég á að segja, sko ég er ekki svooo mikil tepra en æi, ég er bara ekki að fíla þennan þátt, veit samt ekki hvað það er.....

svona er mín tilvera búin að vera síðan á laugardaginn - eftir bara 2 daga verður tóm gleði gleði gleði gleði - ég hlakka svo til og svo bara byrja ég að vinna í næstu viku

Jæja, ég ætla að halda aðeins áfram áður en ég rotast

.... fer bara hreinlega ekki vel saman..

 nú er ég búin að vera að taka próf í miklu fleiri ár heldur en ég vil muna og þetta er í fyrsta sinn sem ég er veik í miðjuð próflestri.

ég byrjaði að fá flensu í gær og tók erfiðasta prófið mitt í dag, kýldi mig út af ibufen og harkaði af mér - byrjaði prófið kl hálf tvö - full af c vítamíni og ibufen og svo eftir það kl hálf fimm þá var eins og ég væri kýld - þreytan og allt saman kom yfir mig í einu....

en allavega - mér gekk mjög vel í prófinu mínu, miklu betur heldur en ég átti von á - jei..

núna er bara að liggja svo yfir reiknishaldinu og vona það besta... ég fer í það próf á föstudaginn og svo markaðsfræði strax á laugardaginn - en þá er ég líka búin. Vonandi þarf ég svo ekki að taka fleiri en þetta eina próf í haust (þjóðhagfræði) svo ég geti bara kvatt próflestur í nokkur ár - ég efast samt um að ég sé alveg búin :-)

Emma er orðin frekar þreytt á að mamma hennar hefur lítinn tíma fyrir hana, enda er það þannig að þegar ég er nálægt henni þá er hún límd á mig eins og frímerki - greyið litla. Hún er nú búin að vera lasin sjálf í eina og hálfa viku (og þar á undan heila viku - fékk 3 daga frí og varð svo aftur veik). Ég var að segja við Guðna að ég ætti að rukka Hafnarfjarðarbæ um leikskólagjöldin fyrir apríl, barnið náði einhverjum 3 dögum, en ég held að ég nenni ekki að standa í því - enda er ég líka svo rík (eða þannig)...

 Það er alveg greinilegt að kosningar eru í vændum, ég las bæði Víkurfréttir og Fjarðarpóstinn í dag og viti menn, ekkert annað en kosningaáróður (en ekki hvað) og mér fannst alveg ótrúlega fyndið að Sjálfstæðisflokkurinn var með næstum heila blaðsíðu af "málefnum" sínum, og þar sem ég var að lesa fyrir rekstrarhagfræði þar sem farið var í almannavalsfræði (ss stjórnmálafræði og hagfræði) þar sem sagt var að það væri skynsamleg fáfræði hins almenna kjósanda að vera ekki að eyða of miklum tíma í að skoða hvað hver stjórnmálaflokkur hefur fram að færa, og eftir að hafa lesið þessi bæði bæjarblöð þá er ég eiginlega orðin sömu skoðunar. Ég uppgötvaði að minnsta kosti að frambjóðendur lifa eftir þessarri hugmynd. Mér fannst allaveg það fyndnasta að sjá að eitt af "málefnum" sjálfstæðisflokksins var að "öll börn fái leikskólapláss um 18 mánaða aldri" og ekkert meira um það sagt. Þetta finnst mér eiginlega sorglega fyndið.... ég hef fylgst með loforðum um fjölskyldumál núna um nokkurra ára skeið og alltaf kemur þetta loforð - öll börn á leikskóla um 18 mánaða aldur - yeah right !!!!

Í fyrra þegar Emma varð tveggja ára (í ágúst) þá var hún ekki komin inn á leikskóla og eftir möööörg samtöl við leikskólastjóra og innritunafulltrúa og ég veit ekki hvað og hvað þá fannst engum neitt mikið mál að hún væri ekki komin inn og þess vegna vissi fólk ekki hvort hún kæmist inn fyrir áramót - nema að hún fór svo inn í byrjun október 2005 (en sennilega bara vegna þess að ekki margir fluttust skyndilega til Hafnarfjarðar það haustið)

ÞANNIG AÐ.... næst þegar eitthvað svona fer í taugarnar á mér þá ætla ég bara að leika hinn "skynsamlega fávísa kjósanda" og brosa :-)

Jæja, nú er allur vindur farinn úr mér og ég þarf að snýta mér